2019 йил мобайнида маъмурий судлар томонидан оммавий-ҳуқуқий муносабатлардан келиб чиқадиган 16 256 та иш кўриб чиқилди. Бунинг натижасида 11 142 та фуқаро ва юридик шахсларнинг ҳуқуқлари тикланди. Бу ҳақда Ўзбекистон Олий суди расмий вакили Азиз Обидов хабар қилди.

ЙҲХББ матбуот хизмати томонидан эълон қилинган маълумотларга кўра, 2020 йилнинг дастлабки 10 кунида мамлакатда 107та бахтсиз ҳодиса рўй берган, уларнинг 103 таси ҳайдовчилар ва 4 таси пиёдалар томонидан содир этилган. Ушбу бахтсиз ҳодисалардан жабрланганлар сони 100 кишини, ҳалок бўлганлар сони эса 35 кишини ташкил этди.

Ўзбекистонда қасддан баданга енгил шикаст етказиш тўғрисидаги модда декриминализация қилиниши мумкин. Ички ишлар вазирлиги тегишли қонун лойиҳасини жамоатчилик муҳокамаси учун эълон қилди.

Ўзбекистон Республикаси Фуқаролик кодексининг 99-моддасига асосан шахснинг тасвирга бўлган ҳуқуқи ажралмас ва дахлсиздир. Миллий қонунчиликда фуқаронинг тасвирга бўлган ҳуқуқи дахлсизлиги чегаралари аниқ белгиланмаган, дейилади Адлия вазирлигининг хабарида.

10 январь куни «Давлат тиббиёт муассасалари томонидан фуқароларга маълумотномалар бериш тартибини янада соддалаштириш чора-тадбирлари тўғрисида»ги Вазирлар Маҳкамаси қарори қабул қилинди, дея хабар қилди Адлия вазирлиги матбуот хизмати.

Президент Шавкат Мирзиёев ватан ҳимоячилари куни ва Ўзбекистон Республикаси Қуролли Кучлари ташкил этилганининг 28 йиллиги муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисидаги фармонни имзолади, деб хабар бермоқда президент матбуот хизмати.

«Ҳуқуқий мониторингнинг замонавий механизмлари асосида қонун ҳужжатлари ижросининг самарадорлигини ошириш чора-тадбирлари тўғрисида» президент қарори 2019 йилнинг 2 ноябрида қабул қилинди. Бу ҳақда «Ҳуқуқий ахборот» канали орқали хабар берилди.

Нотариат тизими такомиллаштирилганлиги муносабати билан ҳукуматнинг бир қатор қарорларига ўзгартириш ва қўшимчалар киритилди.

Қонунчилик палатаси депутатлари 2019 йил 21 ноябрь куни суд мажлисларини намойиш этиш тўғрисидаги тузатишларни иккинчи ўқишда қабул қилдилар.

Вазирлар Маҳкамасининг 5.10.2019 йилдаги 848-сон қарори билан Бош вазирнинг тадбиркорлар мурожаатларини кўриб чиқиш қабулхоналари ҳузурида жамоатчилик кенгашларини ташкил этиш тартиби тасдиқланди.

Ўзбекистон Президенти Шавкат Мирзиёев 2019 йил 20 сентябрь куни архив иши ва иш юритиш соҳасида давлат бошқаруви ва назоратини такомиллаштириш, қоғоз шаклидаги, кино, фото ва фоно ҳужжатларини рақамлаштиришни янада жадаллаштиришга қаратилган фармонни имзолади.

Табрикда давлат раҳбари 2019 йил янги Ўзбекистон тарихида ҳар томонлама ёрқин из қолдирганини таъкидлади.

Қишки таътил вақтида ОТМ ва касб-ҳунар коллежи талабаларига темир йўл чипталарини харид қилиш учун 50 фоиз миқдорида чегирмалар тақдим этилди.

Фуқаролик ҳолати далолатномаларини ёзиш органларида иш юритиш тартиби тўғрисидаги йўриқномага ўзгартириш ва қўшимчалар киритиш тўғрисидаги буйруқ Адлия вазирлигида давлат рўйхатидан ўтказилди.

1,1 млн сўмдан ортиқ қарзи бор фуқароларга Ўзбекистондан чиқиш тақиқланади. Адлия вазирлигида қарздорларнинг Ўзбекистондан чиқишини вақтинча чеклашни таъминловчи низомни тасдиқлаш тўғрисидаги қарор давлат рўйхатидан ўтказилди.

Адлия вазирлиги олий таълим муассасаларининг кундузги бўлимларига тўлов-контракт асосида қабул қилинган талабалар олиши мумкин бўлган таълим кредитлари хақидаги маълумотларни эълон қилди.

30 сентябрь куни ҳукумат “Ўзбекистон Республикаси Давлат бюджети маблағлари ҳисобидан қопланадиган тиббий ёрдамнинг кафолатланган ҳажмлари рўйхатини шакллантириш тартиби тўғрисида”ги низомни тасдиқлади.

Ўзбекистон Республикаси Олий Мажлиси Қонунчилик палатаси ва халқ депутатлари маҳаллий Кенгашлар депутатлигига бўлган сайловлар натижасини Ўзбекистон Марказий сайлов комиссияси раиси Мирзо-Улуғбек Абдусаломов эълон қилди​. 

Фарғона вилоятида эрта тонгдан Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлигига сайловлар юқори савияда бошланди.

Британиянинг “The Economist” нашри анъанавий тарзда ҳар йили демократия соҳасида энг катта ютуқларга эришган давлатни “Йил мамлакати” деб эълон қилади. Бу сафар бундай номга Ўзбекистон муносиб деб топилди.