Ўзбекистон Хотин-қизлар қўмитаси Ижтимоий мослашув марказлари фаолияти бошлангандан буён 3055 та мурожаатни қабул қилиб олди. Уларнинг 485 таси оилавий зўравонликдан жабр кўрган аёллардан келиб тушди, дея хабар қилди қўмита матбуот маркази.
Ўзбекистон Савдо-саноат палатаси ҳузурида Тошкент халқаро арбитраж марказини (TIAC) ташкил этиш тўғрисидаги президент қарори қабул қилинди, дея хабар қилди Адлия вазирлиги Telegram-каналида.
Ўзбекистон Адлия вазирлиги иш берувчилар томонидан ходимлар ойлик маошларидан пул маблағларини ушлаб қолиш амалиётларини ўрганиш натижаларини эълон қилди. Тасодифий танлаш йўли билан бутун мамлакат бўйича 729 та ижтимоий соҳа муассасаси, жумладан тиббиёт, мактаб ва мактабгача таълим муассасалари ўрганилди.
Йўл ҳаракати хавфсизлигини таъминлаш соҳасида инвестициявий лойиҳани амалга ошириш чора-тадбирлари тўғрисидаги Президент қарори қабул қилинди.
Энг кам иш ҳақи оширилади, савдо-сотиқ қилиш қоидалари соддалаштирилади, уннинг бозор нархлари жорий этилади. Ушбу шарҳда 2018 йил ноябрдаги шу ва бошқа янгиликлар ҳақида Norma нашри маълумот берди.
Иқтисодиёт вазирлиги ҳузурида 38та штат бирлигидан иборат бўлган Тармоқ бозорлари ва экспортга йўналтирилган ишлаб чиқаришлар тадқиқотлари маркази давлат унитар корхонаси ташкил этилади.
Вазирлар Маҳкамасининг 27 октябрдаги қарори билан муомалада бўлиши тақиқланган ва чекланган гиёҳвандлик воситалари, психотроп моддалар ва прекурсорлар рўйхатларига ўзгартишлар киритилди.
29 октябрь куни Ўзбекистон Президенти Шавкат Мирзиёев топшириғига асосан Вазирлар Маҳкамасида мажбурий меҳнатга йўл қўймаслик ва унинг ҳар қандай кўринишига барҳам бериш масалаларига бағишланган видеоселектор йиғилиши ўтказилди.
Тўққиз ой мобайнида иқтисодий судлар томонидан 323983 та иш кўриб чиқилиб, ҳал этилди. Шунда даъвогарлар фойдасига 8,8 трлн сўм ундириш ҳақида суд қарорлари қабул қилинган. Кўрилган ишлар сони ўтган йилнинг шу даврига нисбатан 24,1 фоизга ошган.
Ўзбекистон Республикаси Олий Мажлиси Қонунчилик палатасининг Оила ва аёллар масалалари бўйича комиссияси Саноат, қурилиш ва савдо масалалари қўмитаси билан ҳамкорликда “Ўзбекистон Республикаси Уй-жой кодексининг 32-моддасига ўзгартиш киритиш ҳақида”ги қонун лойиҳасини муҳокама қилди.
Жорий йилнинг май ойидан октябрь ойига қадар Андижон вилояти давлат хизматлари бошқармасига ўзбошимчалик билан қурилган тураржойларга нисбатан мулк ҳуқуқини эътироф этиш учун вилоят бўйича 830 та мурожаат келиб тушган.
Ўзбекистонда Йўл ҳаракати қоидаларини бузганлик учун қатор жарималар оширилди. Мамлакат президенти 22 октябрь куни Маъмурий жавобгарлик тўғрисидаги кодексга ўзгартишлар киритиш тўғрисидаги қонунни имзолади.
Фуқаролик ишлари бўйича судлар томонидан тўққиз ой давомида 171899 та иш кўриб чиқилди. Бу 2017 йилнинг шу даврига нисбатан 22 фоизга камроқ демакдир, дея хабар қилди Ўзбекистон Олий суди расмий вакили Азиз Обидов.
Электр энергияси ва табиий газдан фойдаланганлик учун ортиқча (хато) тўланган маблағларни истеъмолчига Мажбурий ижро бюросини ривожлантириш жамғармаси орқали қайтариш таомили белгиланди.
16 октябрга ўтар кечаси Ўзбекистон ФВВ қутқарувчилари тунги соат 3:30 ларда Қамчиқ довонини кучли шамол ва қор вақтида айланиб чиқиш вақтида носозлик сабабли тўхтаб турган иккита Damas автомашинасини аниқлади.
“Фуқаролар йиғини раиси (оқсоқоли) сайлови такомиллаштирилиши муносабати билан Ўзбекистон Республикасининг айрим қонун ҳужжатларига ўзгартишлар киритиш тўғрисида”ги Қонун Президент томонидан имзоланди.
Ўзбекистон Республикаси президенти ва ҳукумат томонидан тақиқланганига қарамай, Ўзбекистоннинг айрим вилоятларида ўқитувчилар ва халқ таълими ходимларини пахта йиғим-терими ҳамда турли мажлисларга жалб қилиш ҳолатлари қайд этилган, деб хабар бермоқда Халқ таълими вазирлиги ахборот хизмати.
Бандлик ва меҳнат муносабатлари вазирлиги хорижда қийин аҳволда қолган фуқароларни Ўзбекистонга қайтариш бўйича ишларни бошлади.
2018 йилнинг тўққиз ойида жиноят ишлари бўйича судлар томонидан 36 889 нафар шахсга нисбатан 28 730 та иш кўриб чиқилди. Мазкур кўрсаткичлар 2017 йилнинг шу даврига нисбатан шахслар бўйича 37,9 фоизга, ишлар бўйича эса 36,5 фоизга камайган.
Фарғонада янги автомашина олиб беришни ваъда қилиб, кўплаб фуқароларни “чув” туширган шахс устидан суд жараёни бўлиб ўтмоқда,