Тошкент шаҳрида Давлатлараро сув хўжалигини мувофиқлаштириш комиссияси (ДСХМК)нинг навбатдаги 76-йиғилиши ўтказилди. Бу ҳақда Сув хўжалиги вазирлиги матбуот хизмати хабар бермоқда.
Бола ҳуқуқлари кафолатларини янада кучайтиришга оид қўшимча чора-тадбирлар тўғрисидаги президент қарори қабул қилинди. Бу ҳақда Адлия вазирлигининг телеграмдаги «Ҳуқуқий ахборот» канали орқали хабар берилди.
2019 йилнинг биринчи чорагида фуқаролик ишлари бўйича судлар томонидан 44 180 та иш кўриб чиқилди. Мазкур кўрсаткич 2018 йилнинг шу даврига нисбатан 22,2 фоизга камайган. Бу ҳақда Ўзбекистон Республикаси Олий суди матбуот хизмати хабар берди.
Йўл ҳаракати қоидаларига ўзгартириш киритиш тўғрисидаги Ҳукумат қарори (292-сон, 09.04.2019 й.) қабул қилинди, дея хабар қилди Адлия вазирлиги Telegram-каналида.
Олий суд хабарига кўра, 2019 йилнинг биринчи чорагида жиноят ишлари бўйича судлар томонидан 9 946 нафар шахсга нисбатан 7 750 та иш кўриб чиқилди. Мазкур кўрсаткичлар 2018 йилнинг шу даврига нисбатан шахслар бўйича 31,5 фоизга, ишлар бўйича эса 29,9 фоизга камайган.
Президент Шавкат Мирзиёев 1995—1996 йилларда қабул қилинган амалдаги Ўзбекистон Фуқаролик кодексининг янги таҳририни тайёрлашга фармойиш берди.
Ўзбекистон Республикаси Адлия вазирлиги томонидан Ўзбекистон ногиронлар жамияти билан ҳамкорликда “Биз биргамиз!” ижтимоий лойиҳаси доирасида навбатдаги Республика савдо ярмаркаси ўтказилади.
Вазирлар Маҳкамасининг 2019 йил 29 мартдаги қарорига биноан, «Хорижий давлатларда таълим олганлик тўғрисидаги ҳужжатларни тан олиш ва нострификациялаш (эквивалентлигини қайд этиш) тартиби тўғрисида»ги низомга ўзгариш киритилди.
Олий Мажлис Қонунчилик палатасида ўтказилган навбатдаги “Ҳукумат соати”га қуйи палатадаги Ўзбекистон Халқ демократик партияси фракцияси ташаббуси билан Саноат, савдо ва қурилиш масалалари қўмитаси ҳамкорлигида “Хўжаликлараро қишлоқ автомобиль йўлларининг ҳамда шаҳарлар, шаҳар посёлкалари, қишлоқлар ва овуллар кўчаларининг мавжуд тармоқларининг бугунги ҳолати, уларни яхшилаш юзасидан кўрилаётган чора-тадбирлар тўғрисида”ги масала киритилди.
Президент Шавкат Мирзиёев Жазони ижро этиш муассасаларидан озод қилинган айрим тоифадаги шахслар устидан маъмурий назорат тўғрисидаги қонунни имзолади. Бу ҳақда Адлия вазирлигининг телеграмдаги «Ҳуқуқий ахборот» канали орқали хабар берилди.
Фуқаролар йиғинлари раисларининг ваколат муддати 2019 йил май ойида тугаши муносабати билан Ўзбекистон Республикаси Олий Мажлиси Сенати кенгашининг 2019 йил 15 февралдаги “Фуқаролар йиғинлари раислари (оқсоқоллари) сайловига тайёргарлик кўриш ва уни ўтказиш тўғрисида”ги қарорига мувофиқ, жорий йилнинг май ойида ўтказиладиган сайловда 9 минг 19 нафар фуқаролар йиғини раиси сайланиши белгиланди.
1 апрелдан Ўзбекистонда маҳаллий GSM-операторлар тармоқларида фойдаланиладиган мобил қурилмаларниавтоматик ҳисобга олиш ва рўйхатдан ўтказиш тизими жорий этилади, дея хабар қилди Ахборот технологиялари ва коммуникацияларини ривожлантириш вазирлиги матбуот хизмати.
Ҳукумат қарорининг 2019 йил 28 март куни билан Ижтимоий эҳтиёжманд оилаларнинг иқтидорли фарзандларини узлуксиз таълим олишини моддий ва маънавий жиҳатдан қўллаб-қувватлаш тартиби тўғрисидаги низом тасдиқланди.
Иқтисодий ҳамкорлик ва ривожланиш ташкилоти (ИҲРТ) мониторинг натижаларига кўра, Ўзбекистоннинг Коррупцияга қарши курашиш тармоғининг Истанбул ҳаракатлар режаси доирасидаги барча тавсиялар бўйича ютуқларини эътироф этди. Бу ҳақда Бош прокуратура матбуот хизмати хабар қилди.
Ўзбекистон Республикаси Вазирлар Маҳкамаси ҳузуридаги «Оила» илмий-амалий тадқиқот маркази томонидан ташкил этилган халқаро анжуманда бир қарашда ушбу тузилма зиммасига кирмайдигандек туюладиган масалалар хусусида сўз юритилган бўлса-да, бироқ барча жараёнлар, шу жумладан, жиноятчилик, турли хавфли хасталикларнинг олдини олиш бевосита хонадонлардаги ижтимоий-маънавий муҳит билан чамбарчас боғлиқлигини англаш мушкул эмас.
2019 йил 15 февралда Ўзбекистон Президенти томонидан «Давлат хизматлари кўрсатиш миллий тизимини янада комплекс ривожлантириш чоралари ҳақида»ги қарори қабул қилинди.
АҚШ Меҳнат вазирлиги ўзбек пахтасини АҚШ федерал органларига мажбурий меҳнат ёки болалар меҳнатидан фойдаланиб тайёрланган товарларни сотиб олишни тақиқловчи президент актининг 13126-сонли ижро буйруғи рўйхатидан чиқарди.
Ўзбекистон Республикаси таълим муассасаларига ўқишга қабул қилиш бўйича Давлат комиссиясининг 2019 йил 25 мартдаги 16-сон баёни билан республика олий таълим муассасаларининг бакалавриати ва магистратурасида тўлов-контракт асосида таҳсил олаётган талабаларга 2018/2019 ўқув йили учун шартнома тўловларининг иккинчи ярмини тўлаш муддати жорий йилнинг 15 апрелига қадар (шу куни ҳам) узайтирилди.
Жорий йилнинг 16 март куни Ўзбекистон Республикаси Вазирлар Маҳкамасининг 222-сонли «Транспорт воситалари эгаларининг фуқаролик жавобгарлигини мажбурий суғурта қилишни янада такомиллаштириш чора-тадбирлари тўғрисида» қарори қабул қилинди. Бу ҳолат интернет сайтларида кенг муҳокама қилинмоқда. Шу муносабат билан Транспорт воситалари эгаларининг фуқаролик жавобгарлигини мажбурий суғурта қилиш бўйича тўловларни кафолатлаш жамғармаси жорий ҳолат юзасидан баёнот берди.
Вазирлар Маҳкамасининг 22.03.2019 йилдаги 240-сон қарори билан «Ҳуқуқий тарғибот ишлари аълочиси» кўкрак нишони тўғрисида низом тасдиқланди, дея хабар беради Адлия вазирлиги ўзининг Telegram-каналида.