Тошкентда фуқарони ўқишга киритиш учун $5 мингни “ухлатмоқчи” бўлган шахс ушланди

Бош прокуратура департаментни Матбуот хизматининг хабарига кўра, Тошкент шаҳар Янгиҳаёт туманида яшовчи Ш.Т. фуқаро Ш.нинг ишончига кириб, унга Қозоғистоннинг Чимкент шаҳрида жойлашган тиббиёт институтининг 1-босқичини тамомлаганлиги тўғрисида ҳужжатларни расмийлаштириб беришни, кейинчалик ўқишини танишлари орқали Самарқанд давлат тиббиёт институтига кўчиришни ваъда қилган.

Бунинг эвазига Ш.Т. Ш.дан $5 минг сўраб, пулларни фирибгарлик йўли билан олган вақтида ашёвий далиллар билан ушланди. 

Мазкур ҳолат юзасидан ЖК.нинг 168-моддаси (фирибгарлик) ва 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.