Ўзбекистоннинг Истанбулдаги Бош консулхонаси хабарига кўра, сўнгги 14 кун давомида Туркияда бўлган ва ушбу мамлакат орқали Ўзбекистонга кириб келаётган Ўзбекистон фуқаролари ёки фуқаролиги бўлмаган шахсларни уй ёки меҳмонхонада карантинда бўлишлари тартиби бекор қилинди.
Аммо Ўзбекистонга келиш учун авиарейсга рўйхатдан ўтишдан олдин охирги 72 соатдан кўп бўлмаган муддатда COVID-19 инфекциясига фақат ПЗР-тести орқали текширилиб, манфий кўрсаткичга эга маълумотномани тақдим этиш талаби сақланиб қолмоқда.
Шунингдек, жорий йил 3 июндан бошлаб Истанбулдан Фарғона, Урганч ва Самарқанд ўртасида авиақатновларни босқичма босқич тикланади.
Туркияга сайёҳлар учун мўлжалланган чартер рейслар эса 5 июндан бошлаб босқичма босқич тикланади.
Тошкент – Истанбул йўналишида авиақатновлар талаб ва вазиятдан келиб чиқиб 10 июндан бошлаб кўпайтирилади.
