Тошкентда қалбаки 200 минг сўмликларни тайёрлаган шахс қўлга олинди

Тошкентнинг Чилонзор туманида 200 минг сўмлик қалбаки купюраларни ишлаб чиқариб сотаётган фуқаро ушланди,дея хабар қилди Бош прокуратура ҳузуридаги Иқтисодий жиноятларга қарши курашиш департаменти матбуот хизмати. Тезкор тадбир департамент ҳамда ДХХнинг Чилонзор тумани бўлимлари томонидан ўтказилди.

Учтепа туманида яшовчи А. С. 200 минг сўмлик қалбаки купюраларни тайёрлаб, ҳар бирини 60 минг сўмдан сотиб келаётганлиги аниқланиб, ундан 10 дона 200 минг сўмлик қалбаки купюралар, жами 31 дона А4 форматдаги қоғозда чоп этилган 200 минг сўмлик купюралар, рангли принтер ва бошқа ишлаб чиқаришда фойдаланилган товар моддий бойликлар ашёвий далил сифатида олинган.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.