Ўзбекистон касаба уюшмалари Федерациясининг Фарғона вилоят Кенгаши томонидан ёшларнинг бўш вақтларини мазмунли ташкил этиш, уларнинг сайлов қонунчилиги ҳамда сайлов тўғрисидаги билимларини ошириш мақсадида сентябрь-октябрь ойлари давомида “Сайлов ҳуқуқини биласизми?” танлови ўтказилди.
Бугун, 7-октябрь куни танлов якуний босқичи ўтказилиб, 1-ўрин ғолибига Диплом ва “Зомин” санаториясига йўлланма, 2-ўрин ғолибига Диплом ва ноутбук, 3-ўрин ғолибига Диплом ва телевизор берилган бўлса, фаол иштирок этган барча иштирокчиларга Тошкент ҳамда Хоразм вилоятларига икки кунлик сафарга йўлланма берилди.
