Давлат тест маркази олий таълим муассасаларида кириш имтиҳонларини ўтказиш тартиби ва қоидаларини эълон қилди

Абитуриентлардан олий таълим муассасаларига кириш учун ҳужжатлар 15 июндан 15 июлгача қуйидагилар орқали онлайн тарзда қабул қилинади:

— Ягона интерактив давлат хизматлари портали (my.gov.uz);

— Давлат тест марказининг расмий сайти (dtm.uz);

— Давлат хизматлари марказлари.

Имтиҳонлар уч сменада ўтказилади: биринчиси – соат 7:30дан, иккинчиси – соат 11:30дан ва учинчиси – соат 15:30дан.

Кириш имтиҳонлари вақтида абитуриентлар қуйидаги санитар нормаларга амал қилишлари керак:

— ДТМ томонидан бериладиган тиббий ниқоб ва қўлқоплардан фойдаланиш;

— 3 метрлик масофани сақлаш.

Қайд этилишича, барча бинолар кунига 4 мартадан кам бўлмаган тарзда мунтазам равишда дезинфекция қилиб борилади.

Кириш имтиҳонлари учун аппеляцияни 21 августдан 31 августга қадар бериш мумкин бўлади.