Бу йил Ўзбекистон ОТМлари қанча талабани ўқишга қабул қилади?

2020/2021 ўқув йилида республика ОТМларида қабул квоталарини ўртача 25 фоизга ошириш режалаштирилмоқда.

Президентнинг «2020/2021 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида»ги қарори лойиҳасига кўра, қабул квоталарини ошириш режалаштирилмоқда.

Хусусан, бакалаврларни тайёрлаш бўйича қуйидаги қабул параметрлари қўлланилади:

• кундузги таълим шаклига – 101 634 нафар;

• сиртқи таълим шаклига – 25 863 нафар;

• кечки таълим шаклига – 4 343 нафар.

Магистратура дастурига 10 643 нафар киши қабул қилиниши режалаштирилмоқда.

Бунда бакалавриатда ўқиш учун бюджет ўринлари 22 732та ва магистратурада ўқиш учун 5 408тани ташкил қилади.

2020/2021 ўқув йили учун қабул квоталари кўрсатилган ОТМ ва институтлар рўйхати билан бу ерда танишишингиз мумкин.