Давлат статистика қўмитаси маълумотига кўра, Ўзбекистонда бир ойдан кам муддат ичида гўшт нархи ўртача 5 фоизга, тухум ва гуруч нархи эса деярли 30 фоизга ошган.
Тақдим этилган янгиланган рўйхатга кўра, 1 кг. мол гўштининг минимал нархи 2 минг сўмга кўтарилиб, 28 минг сўмни ташкил этди, максимал нархи эса 55 минг сўм бўлди. Январь бошида 1 кг. мол гўшти 52 минг сўмни ташкил этган эди.
Озиқ-овқат маҳсулотлари орасида йил бошидан бери энг кўп гуруч ва тухумнинг минимал-максимал нархлари кўтарилган – деярли 30 фоизга.
Қайд этиб ўтамиз, рўйхатдаги маълумот 2019 йил 25 январь ҳолатига тақдим этилган. 4 январдаги рўйхат билан бу ерда танишишингиз мумкин.
Айрим турдаги озиқ-овқат маҳсулотларининг минимал-максимал истеъмол нархлари маълумотлари танланма статистик кузатув тамойилларига асосан олинган.