Yoshlar телеканали Самарқанда жорий йилнинг май ойида содир этилган қонунбузарлик ҳолати юзасидан видеолавҳани намойиш этди. Унда кекса аёлнинг бошига челак кийдирган ва бошига урган йигитларнинг қилмиши ҳақида фикр юритилган.
Аввалроқ, ижтимоий тармоқларда ёш йигитларнинг қарияга жароҳат етказиши билан боғлиқ видео тарқалган эди. Ушбу жиноятни содир этганликда гумонланган Ширинбек Абдурахмонов (1997 йилда туғилган), Анвар Мардонов (1993 йилда туғилган) ва Дониёр Бахриддинов (2003 йилда туғилган)лар қўлга олиниб уларга нисбатан Жиноят кодексининг 277-моддаси 2-қисмига асосан жиноят иши қўзғатилган.
Жабрланган аёл 1961 йилда Самарқанд вилоятида туғилган Халима Бўриева экани аниқланган. Раҳматжон исмли йиги аёлнинг бошига челакни кийгазган, Ширинбек Абдурахмонов эса вазиятдан фойдаланиб унинг бошига мушт туширган, Анвар Мардонов эса воқеани телефонига тасвирга олган.
Дониёр Бахриддинов эса Анварнинг телефонидаги видеолавҳани кўргани заҳоти Instagram ижтимоий тармоғига юклаган.